Manchester City i Guardiolas dominon në ‘Blutë’ e Londrës dhe i çon në -6 nga kreu. Nuk falin citizen në këtë përballje që mund të jetë deçizive në fundin e kampionatit, Guardiola kishte përballjen e tretë me Conte që kur ka marrë drejtimin e City dhe është hera e parë që e mposht dhe në mes të Londrës.
Superpërballjen e javës së 7-të e zgjidhi Kevin De Bruyne duke i dhënë një fitore të merituar citizens që tregojnë se janë të aftë të mundin dhe rivalët e drejtëpërdrejtë për titull. Sfida e Stamford Bridge u dominua nga ekipi i Guardiolës ndërsa Chelsea bashkë me Moratën, që u largua i dëmtuar nga fusha në minutën e 35-tën humbi dhe rrezikshmërinë. City përpara se të mbërrinte te goli kishte parë Sterling të humbiste raste të pastra ndërsa humbja mund të kishte qenë dhe më e thellë për Chelsean nëse Rudiger nuk do të kishte shpëtuar një gol të sigurtë mbi vijën fatale.Një fitore e rëndësishme për Guardiolës, që pas Liverpool i jep një leksion dhe Chelseat të Contes.
Gjithsesi City dhe këtë javë duhet të ndajë kreun me United që shfrytëzoi maksimalisht ndeshjen me Crystal Palace në shtëpi duke fituar lehtësisht 4-0. Për ekipin e Mourinhos shënoi që në të 3-tën Mata ndërsa më pas ishte radha e Fellainit për të festuar një dygolësh personal. Nuk mund të mungonte në listën e golashënuesve as Lukaku që realizoi të katërtin. Me të njëjtin rezultat triumfoi dhe Tottenham që mundi jashtë fushe 4-0 Huddersfield që përpara kësaj sfide kishte pësuar vetëm 3 gola në total. Harry Kane ishte sërish protagonisti i këtij takimi me një dygolësh ndërsa realizuan për gjelat e Londrës dhe Davies e Sissokho.
https://www.youtube.com/watch?v=IkjG_1mzYzk&ab_channel=Yescom27
