Më në fund të gjitha vajzat e Spice Girls janë gati për të performuar para publikut që prej vitesh i pret. E ftuar në programin “Today”, Mel B tregoi disa nga detajet e ribashkimit të vajzave. Në fakt fansat kanë ende shumë pikëpyetje, pasi edhe më herët Mel B foli për një rikthim, por planet dështuan.
“Unë jam e vetmja që vazhdon të thotë që ne do të performojmë, sepse ne vërtetë do të performojmë. Më në fund u bëmë të gjitha bashkë!”, u shpreh ajo.
Më skeptikja nga të gjitha vajzat mbetet Victoria, për të cilën Mel u shpreh se ajo thotë gjithnjë që turi i vajzave nuk do të ndodhë.
“Ajo e thotë gjithmonë këtë. Boll me kaq! Ne jemi në turne. Duhet ta them këtë me zë të lartë. Ne do të performojmë dhe do të jemi të gjitha bashkë!”, përfundoi ajo.
