Pas sherrit në Kuvendin e Maqedonisë, ku Nikolla Gruevski është përplasur me Talat Xhaferin, ka patur edhe reagime nga lideri i VMRO-DPMNE-s. Gruevski ka thënë se nuk ka dashur incident, ndërsa kërkon nga Talat Xhaferi që të kërkojë falje ndaj opinionit publik.
Ai ka sqaruar se ka dashur qartë dhe me zë të shpreh mospajtimin me mënyrën e miratimit të ligjit për përdorimin e gjuhëve. Gruevski ka sqaruar se e ka kapur për dore Xhaferin dhe nuk ka bërë asgjë tjetër, duke shtuar se Xhaferi duhet t’i kërkoj falje edhe publikut shqiptar, pasi ligji është miratuar në formë dhe rrugë joligjore.
Sipas tij, janë shkelur procedurat dhe ligji është jo kushtetues.
