Ish kryeministri Nikolla Gruevski nuk u paraqit në gjykatë ku me kërkesë të avokatëve është dashur të mbahet seanca për kthimin e pasaportës së tij.
Prokurorja e PSP-së, Lile Strefanova, tha se Gruevski deri tek ata ka dorëzuar ftesë nga kryeministri hungarez, Viktor Orban.
“Nëse Gruevski nuk vjen, kjo do të jetë arsye që të anulohen seancat edhe për 20 të akuzuarit e tjerë në Titanik”, ka thënë prokurorja Stefanova.
Pasaporta Gruevskit është marrë më 3 korrik të këtij viti me vendim për gjykatës penale të Shkupit pas kërkesës së Prokurorisë Speciale për rastin “Titanik”.
Ndërsa krahu reformator i VMRO-DPMNE-së kërkon dorëheqje të menjëhershme të liderit të partisë Nikolla Gruevski dhe mendojnë se nuk nevojiten shpallje të zgjedhjeve të parakohshme parlamentare, pas humbjes të madhe që pësoi partia në zgjedhjet e gjashta lokale, sepse me këtë për momentin, ajo edhe më shumë do ta humbiste forcën dhe do të defaktorizohej, shkruan shenja.
“Çfarë do të bënin ne në zgjedhje të reja parlamentare, pse do të duhej të bënim zgjedhje në të cilat VMRO-DPMNE do të humbiste një numër të madh të deputetëve. Këtë pyetje duhet t’ia parashtroni Gruevskit, sepse ai dëshiron zgjedhje, në të cilat VMRO-DPMNE tërësisht do të defaktorizohej edhe në Parlament”, porositi në konferencën e sotme për shtyp Petar Bogoevski njëri nga reformatorët.
Lidhur me rezultatet zgjedhore tha se partia duhet me dinjitet të ballafaqohet me realitetin dhe vullnetin e qytetarëve.
