Ish-kryeministri i Maqedonisë, Nikolla Gruevski ka rrezikuar të “thyej turinjtëˮ nga vrapi që ka parë për tu ikur gazetarëve.
Gruevski u paraqit sot në gjykatë për rastin “Tanku” lidhur me blerjen e Mercedesit të blinduar 600 mijë euro për nevojat e MPB-së dhe të Qeverisë. Ky rast ishte zbuluar nga bomba e përgjimeve, ku Gruevski po bisedonte me ish-ministren e brendshme, Gordana Jankullvoska, duke porositur se çfarë kushtesh duhej të plotësonte Benzi i blinduar dhe me kushte tejet luksoze.
Por një ngjarje e veçantë ka ndodhur derisa Gruevski ka dalë nga gjykata. Ai në një moment për t’iu shmangur gazetarëve ka nisur të vrapojë në anën e kundërt, duke kërcyer shkallë dhe mure. Ai në një moment ka kërcyer nga një lartësi rreth një metër, por ka shpëtuar, pasi që ka mundur të përfundojë i rrëzuar në tokë. Kjo foto ka bërë bujë edhe në rrjetet sociale.
