“Më 15 tetor do të bëhet e ditur se kush është shefi i këtij shteti dhe askush nuk ka për ta rrëmbyer fitoren e VMRO-DPMN-së”, kështu u shpreh, kryetari i partisë, Nikolla Gruevski, në fjalimin e sotëm para simpatizantëve.
Ai deklaroi se në këtë periudhë, oponentët e tij politik, po i lirojnë kriminelët nga burgjet, por edhe përkrah mbështetjes ndaj strukturave kriminele, ata do t’i humbin zgjedhjet në mënyrë ligjore. Gruevski shtoi se këto struktura kriminele kanë fituar mbështetje edhe nga kryetari i Partisë Demokratike Sllovene, Janez Jansha, kjo parti është gjithashtu pjesë e Partisë Popullore Europiane.
“15 tetori do të jetë dita kur do të mbaroj errësira. 15 tetori do të jetë dita kur populli do ta tregoj mendimin e tij për gjithë veprimet të cilat janë bërë kundër dëshirës së tyre. Do ta tregoj mendimin e tij edhe për Marrëveshjen me Bullgarinë edhe për sjlljen e migrantëve, edhe për punën e jashtëligjshme, për dhunën, shtypjen ndaj mediumeve, gjykatësve, administratës dhe investitorëve të huaj të cilët hapin vende të reja të punës, pastaj edhe për persekutimet politike kundër oponentëve”, deklaroi Nikolla Gruevski.
