Kryetari i Komisionit Parlamentar për Çështje Evropiane, deputeti Artan Grubi, ka pritur sot në një takim pune në Kuvendin e Maqedonisë, ambasadoren e Gjermanisë në Shkup, Kristine Althauser.
Në këtë takim u bisedua rreth situatës politike në vend, çështjen e emrit, barazisë gjuhësore, reformat sistemore dhe integrimin në NATO dhe BE.
Deputeti Grubi falendëroi ambasadoren për mbështetjen e madhe të Berlinit dhe të saj për një Maqedoni demokratike dhe të integruar tërësisht në NATO dhe në BE.
Gjithashtu, Grubi kërkoi ndihmën e Berlinit për zgjidhjen e çështjes së emrit, si dhe u zotua për kryerjen e detyrave të shtëpisë në Shkup nëpërmjet reformave arsimore.
