Një grua e rrezikshme nga Shën Petersburg po përpiqej të shiste në internet virgjërinë e një vajze 15-vjeçare. Ajo arriti të gjejë një blerës bujar në Moskë, por doli që ‘blerësi’ ishte një polic i fshehtë.
Për të përmbyllur marrëveshjen ishte marrë më qira për një natë, një dhomë hoteli me një krevat të madh. Gruaja i kërkoi klientit që të mos e mbante për një kohë të gjatë vajzën për shkak se ajo kishte “prindër të rreptë” dhe duhej të ishte në shtëpi sa më herët.
“Klienti” i pagoi gruas për të marrë virgjërinë e vajzës 15-vjeçare plot 650,000 rubla (gati 9,700 dollarë), ashtu si kishin rënë dakord më parë në rrjetet sociale.
“Rusia Today” shkruan se gruaja u gëzua shumë kur pa paratë, por shkëlqimi në sytë e saj iku menjëherë pasi “klienti” i vuri prangat.
Gruaja rrëfeu se e gjeti vajzën në mediat sociale dhe e bindi atë që të shiste virgjërinë e saj në mënyrë që të fitonte shumë para në mënyrën më të lehtë.
Në polici, gruaja këmbënguli se kurrë nuk kishte planifikuar që t’i mbante paratë për vete, por donte vetëm ta ndihmonte vajzën të gjente një njeri të mirë.
Por policia beson ndryshe, duke sqaruar se gruaja me sa duket kishte planifikuar të ikte sapo të merrte paratë, sepse asaj i ishte gjetur një biletë për tu arratisur nga Moska.
Tashmë gruaja është pas hekurave dhe përballet me akuzën penale për përfshirjen e një personi të mitur në prostitucion. TIRANA TODAY
