Sot në mbrëmje starton Champions League dhe të shumtë kanë qenë specialistët dhe gazetarët që kanë bërë parashikimet e tyre për finalen e madhe. Gruaja e Bufon, Ilaria D’Amico është gazetare ne emisionin futbollistin që zhvillohet në Itali, “Fuorigioco”. Ajo ka bërë një gafë të pafalshme gjatë emisionit të saj sa i përket skuadrave finaliste.
“Në finale unë shoh një Mançester Siti-Chelsea ose Mançester Siti-Juventus. Siti më duket një ekip i fortë dhe i denjë për Champions, por unë shoh me kuriozitet punë e Sarrit. Ai nuk po njeh humbje dhe duket se ka një mundësi të mirë për në finale”, u shpreh D’Amico.
Por duket se gazetarja akoma nuk është informuar se Chelsea nuk merr pjesë këtë vit nëChampions League, por në Europa League. Ndeshjen e parë londinezët do ta zhvillojnë të enjten ndaj Paok në transfertë. Ndërkohë ajo ka “harruar” PSG-në e bashkëshortit të saj.
