Dy shqiptarë janë vënë në pranga të policisë italiane të Padovas. Ata akuzohen për trafik droge pasi u është sekuestruar rreth 4 kg kokainë e heroinë.
Të arrestuarit janë Ismet Nure 36 vjeç dhe Selion Kepi 28 vjeç, me precedentë të mëparshëm për drogë dhe krime kundër pronës.
Sipas mediave italiane, ata nuk ishin shpërndarës së dozave të vogla, por trafikantë të një niveli mesatar. Ata e blinin e më pas shinin sasi të konsiderueshme drogash të forta në zonat mes Padovës dhe Venecias.
Të dy raportohet se jetonin në komunën Mira, në Venecia, ndërsa në Itali qëndronin në mënyrë klandestine, raporton padovaoggi.it.
Hetimet që çuan në arrestimin e dy shqiptarëve janë koordinuar nga Prokuroria e Padovas. Ndërsa aksioni për arrestimin e tyre erdhi pas ndjekjeve që u bëhej prej kohësh nga agjentët.
Gjatë ndalimit, raportohet e atyre iu gjet me vete 1.7 kg kokainë e cilësisë së lartë, të ndara në paketime prej 500 dhe 100 gram.
Në një zonë pyjore, agjentët zbuluan edhe 2 kg heroinë të tjera, të ndara në dy paketime, pjesërisht të varrosura, që dyshohet se u përkisnin dy shqiptarëve. Zbulimi i heroinës u bë me ndihmës e qeneve anti-drogë./TIRANA TODAY/
