Ka kaos tek Luftëtari pas kësaj humbje dramatike përballë Teutës. Është vetë presidenti Tavo që ka akuzuar FSHF-n se po luan pistë dhe arbitrat janë të gjithë mercenarë që dërgohen për të dëmtuar gjirokastritët. Edhe sezonin e kaluar Luftëtari ka qenë target për tu lëshuar nga Kategoria, por që nuk ndodhi ashtu. Tavo paralajmëron se do të ketë një mbledhje të bordit drejtues nga ku do të merren vendime mjaft të rëndësishme, sepse janë hedhur miliona leke dhe po shkilen me këmbë nga drejtuesit e federatës me këta gjyqtarë të degjeneruar që na dërgon.
“Nuk dua të komentoj ndeshjen se e panë të gjithë çfarë estrade ndodhi në Gjirokastër. Nuk është hera e parë, por që vjet na kanë dëmtuar rëndë, por nuk ia dolën të na hedhin nga Kategoria. Nëse këtë vendim e kanë marrë, nuk kanë nevojë ta bëjnë ata, por e bëjmë vetë. Këta janë arbitra të degjeneruar. Do të mblidhemi dhe do të marrim vendimet tona. Na kanë masakruar me këta lloj bastardësh. Para ndeshjes më thanë që e kishim të humbur, por nuk doja ta besoja. Kjo nuk duhet të ndodhë sepse hidhen miliona lekë.”
Ekipi i Luftëtarit po mendon të shkrijë ekipin e parë dhe të zbresë në fushë me të rinjtë, pasi ky është rasti i tretë ku gjyqtarët bastardë dënojnë ekipin në këtë fillim sezoni dhe kjo është e patolerueshme. Ata(Federata) nuk i pëlqejnë ekipet që luajnë mirë në fushë dhe janë të fortë, ata dua të fortin jashtë fushe që ti mbajë nën presion.
“Na kanë ikur donatorët dhe tribunat janë bosh nga këto situata. Kampionatin e prishim vetë dhe nuk e lëmë ta prishin këta arbitra bastardë. Çdo të thotë e prishim kampionatin?Atë që na bëjnë neve, ne do ta bëjmë duke luajtur më fëmijët e vegjël. Na sulmojnë sepse jemi njerëz të qetë dhe luajmë futboll. Ata nuk duan të fortin në fushë, por të fortin që u bën presion nga jashtë. Ne vetëm këtë vit kemi dy raste të tjera. Me Kukësin njësoj, me Vllazninë po ashtu. Jemi vazhdimisht të persekutuar.”
