Një ngjarje e rëndë ka ndodhur në Greqi, ku një shqiptar i ka dhënë fund jetës në mënyrë tragjike.
Shqiptari është hedhur nga kati i pestë i një hoteli, në sheshin “Omonia”, ku ka gjetur vdekjen menjëherë.
Mediet greke raportojnë se shqiptari kishte hyrë në hotel me shpejtësi dhe në momentin kur recepsionisti kishte tentuar ta ndalonte, ai kishte hyrë në ashensor.
Ai kishte një çantë me vete, e cila ishte e mbushur me para. Menjëherë recepsionisti thirri policinë, të cilët e gjetën shqiptarin pa ndjenja përtokë bashkë me çantën.
Edhe policia ka dhënë detajet e para, ku mësohet se shqiptari i është gjetur me vete një fotokopje e pasaportës, e cila mban emrin e Emiljano Desajt, 42-vjeç nga Skrapari.
Policia po vijon hetimet për të identifikuar nëse pasaporta i përket shqiptarit të ndjerë.
