Kroacia tashmë është zyrtarisht pjesë e botërorit që organizohet vitin e ardhshëm në Rusi. Janë kombëtarja e 28 që pret biletën për në këtë eveniment kaq të rëndësishëm të futbollit botëror, pasi mposhtën Greqinë në fazën “play-off” 4-1 në Zagreb dhe 0-0 ndeshja e dytë që u zhvillua në Athinë.
Kroacia renditet në ekipet më të mira në renditjen e FIFA-s por në fazën e grupeve ata gabuan dhe nuk arritën të jenë koka e grupit, të cilën e mbajti Islanda. Kroatët e vulosën fatin e helenëve që në ndeshjen e parë pasi rezultati ishte shumë i thellë dhe fuqia e grekëve nuk ishte e mjaftueshme për të bërë një mrekulli.
Në ndeshjen e sotme grekët dominuan në fushë por nuk arritën të finalizonin asnjë aksion në rrjetën e Subasic. Ndërsa miqtë nuk kishin presion dhe nuk ishin të interesuar të shënonin apo të fitonin, por thjeshtë të administronin këto 90’ minuta për të siguruar fazën e grupeve, gjë që e bënë mjaft mirë.
