Greqia po përballet me një situatë të pazakondtë, pas ciklonit “Zorbas”që shkaktoi probleme në Korinth, Argolida, Mani. Paraprakisht raportohet për katër të zhdukur, ku ende nuk ka asnjë njoftim për fatet e tyre.
Në komunën Matoudi është shpallur gjendja e jashtëzakonshme, për shkak të përmbytjeve të shumta. Uji ka bllokuar rrugët dhe ka hyrë në katet e para të shtëpive dhe dyqaneve. Shumë drejtues mjetesh kishin mbetur të bllokuar brenda automjeteve të tyre. Ekipet e emergjencës janë të angazhuar për të shpëtuar qytetarët, e ndërsa pamjet nuk kanë nevojë për shumë komente.
Cikloni “Zorbas” tashmë është larguar, por pas ka lënë shkatërrim. Kulmin e tij cikloni e arriti rreth orës 02:00 të natës, sipas orës lokale, kur lumenjtë u frynë dhe vërshuan nëpër rrugët e qyteteve.
