Sot u sekuestruan në Greqi tonelata me domate shqiptare me pesticide. Autoritetet greke kanë sekuestruar 4.600 kg domate, pas dy kontrolleve në magazinat e disa kompanive të njohura greke, dhe në mjaft njësi shitjeje në Athinë. Lidhur me këtë rast shqetësues, një reagim është përcjellë nga Ministria e Bujqësisë. Kjo kundërpërgjigje vjen në lidhje me lajmin e mediave greke, për sasinë e domateve të asgjësuara, pasi ishin me pesticide.
Në një reagim, ky institucion thotë se nuk ka një raportim zyrtar në lidhje me këtë rast. Ndërsa thekson se fakti që nuk është kapur në kufi, por në treg, e bën të vështirë garancinë se domatja është shqiptare.
“Nuk kemi asnjë raportim në rrugë zyrtare në lidhje me sasinë e domateve të asgjësuara. Mediat greke flasin për një domate të gjetur në treg, dhe jo në pikën e kalimit kufitar. Domatja e gjetur në tregun grek, e bën të vështirë garancinë se ato janë shqiptare”.
https://tiranatoday.com/4600-kg-domate-qe-vinin-nga-shqiperia-e-italia-sekuestrohen-ne-tregun-grek/
