Autori i vrasjes së shqiptarit Mario Isa në Greqi ka pranuar krimin, ndërsa ka thënë se e ka qëlluar gabimisht të riun. Mësohet se autor i krimit është një i ri po shqiptar, i cili pranoi autorësinë në polici.
Sipas mediave greke, i arrestuari është shok me viktimën dhe para ngjarjes kanë qenë në një kafene, ndërsa thuhet se i riu nuk ka pasur synim ta vrasë Isën.
“Ndoshta një arsye e përleshjes midis tyre ka qenë një sasi e konsiderueshme parash që janë gjetur në posedim të 18 vjeçarit Mario Isa, i cili ka lindur dhe është rritur në Kavala dhe më parë ka luajtur në ekipin e futbollit lokal”, shkruan “Protothema”.
Vdekja e shqiptarit erdhi si pasojë e një plumbi të vetëm, që e ka goditur Marion në gjoks, duke i shpuar mushkërinë.
Ende nuk ka një motiv zyrtar për vrasjen e shqiptarit.
