Gjatë ditës së sotme në kufirin greko-shqiptar pas një operacioni të zhvilluar në zonën pyjore të Xrisorahit shumë pranë zonës së Janinës. Gjatë këtij operacioni janë sekuestruar 138 kilogramë kanabis, i cili ishte futur në shtatë çanta dhe ndarë në disa pako.
Në këtë operacion është sekuestruar gjithashtu edhe 1 armë zjarri e tipit “Kallashnikov” si dhe dy krëhëra me 20 fishekë, por edhe 528 fishekë të tjerë të kalibrit 7.62 mm.Sakaq, ende nuk ka të dhëna për ndionjë të arrestuar apo të shpallur në kërkim. Nga të dhënat e para bëhët me dije se sasia e lëndës narkotike kishte si destinacion territorin shqiptar.
Dinamika e zhvillimit të ngjarjes në Greqi disa ditë më parë:
Ditë më parë një grup trafikantësh janë pikasur në ujërat greke, ndërsa policia është vënë në ndjekje të tyre. Gjatë ndjekjes policia ka hasur në shkëmbim zjarri, kurse një sasia e konsiderueshme droge është hedhur në det, si tentativë për t’i ikur policisë greke.
5 prej 11 të dyshuarve janë arrestuar në lidhje me ngarkesën prej 1,6 ton kanabis që ishte nisur nga Shqipëria në drejtim të Greqisë. Ata u paraqitën para një gjykate në Athinë pak ditë pasi gjashtë të dyshuarit e tjerë u dërguan në burgun e Korydallos në pritje të gjykimit të tyre. 6 prej trafikantëve të dyshuar janë nga Shqipëria, dy nga Greqia, dy nga Italia dhe 1 bullgar.
Një italian 31 vjeçar thuhet se ka planifikuar gjithë skemën për të kontrabanduar drogën drejt Greqisë me anë të gomones e cila u godit edhe me spnajper nga policia kufitare greke. Një 65-vjeçar grek që drejton një biznes duke marrë me qira anijet me motor, ka pranuar të furnizojë kontrabandistët me dy anije, por këmbënguli se nuk ka dijeni për planet e tyre për të transportuar drogë.
