Vrasja e Konstandin Kacifas vijon të shkaktojë përplasje mes shqiptarëve dhe grekëve. Një pjesë e këtyre të fundit akuzojnë se Kacifas u vra me vullnet të plotë nga RENEA, për shkak të flamurit grek, dhe se mund të kapej i gjallë.
Anonymous Greece është tallur me kryeministrin Rama, duke publikuar një foto montazh ku e akuzojnë atë se dha urdhrin e ekzekutimit për Kacifas.
Po ashtu, ky grup hakerësh kanë sulmuar disa faqe, si Ministrinë e Financave në Shqipëri, apo uebin e Parlamentit.
Megjithatë, sulmi duket se nuk ka zgjatur shumë, teksa këto faqe kanë qenë të paaksesueshme vetëm për një periudhë të shkurtër, teksa aktualisht ato janë të aksesueshme.
Megjithatë Anonymous Greece nuk është mjaftuar me kaq, pasi sipas publikimeve të tyre në faqen e Facebook, ata kanë sulmuar edhe kompanitë celulare, duke shkaktuar shkëputje të sinjalit dhe mosfunksionim.
“Sot sulmet do të jenë edhe më të mëdha”, paralajmëron Anonymous Greece.
