Në një intervistë për Huffingtonpost, ambasadori i Kosovës në Britaninë e Madhe, Lirim Greiçevci ka folur për prejardhjen e popullit shqiptar si dhe për religjionin e shqiptarëve(lajmin të përshtatur në shqip e lexoni këtu).
Greiçevci ka thënë se shqiptarët para se të sundoheshin nga Osmanët të gjithë kanë qenë të krishterë.
“Mëkati ynë ishte se ne u bëmë pjesë e Perandorisë Osmane dhe u konvertuam në Islam. Kosova dikur ishte pjesë e Perandorisë Romake, atëherë Perandoria Bizantine dhe më pas pushtuan Osmanët. Kemi qëndruar nën kontrollin e tyre për 500 vjet. Para kësaj, shqiptarët e Kosovës ishin kryesisht të krishterë”, ka deklaruar ai.
Greiçevci më tej ka thënë se me sundimin nga Perandoria Osmane shumica e njerëzve u kthyen në kulturën dhe fenë e saj, ndërsa sipas tij mëkati i vetëm i shqiptarëve është që u konvertuan në Islam.
“Sapo të integrohemi në fushën osmane, shumica e njerëzve u kthyen në kulturën dhe fenë e saj. Kjo ishte mënyra e vetme, që ne mund të merrnim pjesë në jetën publike të perandorisë. Është gjithashtu arsyeja pse aleanca me Perandorinë Osmane ishte aq e fortë për ne. Mëkati ynë ishte se ne u bëmë pjesë e Perandorisë Osmane dhe u konvertuam në Islam”, ka deklaruar Greiçevci.
