Humbja e PSG-së ndaj Real Madrid është kritikuar rëndë nga opinioni sportiv, por nuk kanë munguar edhe gratë e futbollistëve. Këto të fundit kanë akuzuar trajnerin Unai Emery për formacionin që vendosi të hedhë në fushë, duke lenë në stol Thiago Silavan dhe Angel Di Marian.
Ky vendim i trajnerit të PSG-së i ka zemëruar bashkëshortet e tyre, Jorgelinan dhe Bellen.
Jorgelina Cardoso ishte më e ashpër në kritikat e saj ndaj Emery dhe shprehu mendimet e veta në rrjetin social. “Përpjekjet tuaja plus puna shtesë, plus golat, plus asistet, plus fakti që je në formën më të mirë, e barabartë me një vend në bankën rezervë”, shkroi ajo. “Me sa duket gratë nuk ditkan asgjë për futboll. Forca Paris!” shkroi më tej.
Ndërsa, Belle Silva, bashkëshortja e Thiago Silvas, po ashtu ka dy fjalë për Emery. “Taktikat? Çfarë taktikash?” shkroi ajo.
