Mesfushori me origjinë shqiptare, Granit Xhaka, ka rinovuar kontratën e tij me Arsenalin nga ku do të vijojë bashkëpunimin me skuadrën e “topçinjve” të Londrës. Klubi i Arsenalit ka njoftuar lajmin, me anë të një interviste të lançuar nga vetë Xhaka, ku shprehet i lumtur që do të vazhdojë ende karrierën në Londër me fanellën e Arsenalit.
“Jam shumë i lumtur që jam ende këtu. Kam firmosur një kontratë të re me Arsenalin dhe dëshiroj që të rikthej besimin e klubit dhe tifozëve. Ata e dinë që kam dhënë dhe do të jap gjithçka në çdo ndeshje dhe stërvitje”, tha Xhaka.
Të paktën për momentin, nuk ka aventurë të re për Xhakën. 29-vjeçari ishte shumë i kërkuar nga Roma e Zhoze Murinjos, por mesa duket vetë Xhaka ka bërë hapa prapa për të luajtur sërish me Arsenalin.
? “We know we have to do better. We have to believe in each other so we can come out of this.”
Granit Xhaka on #ARSCHE ?
— Arsenal (@Arsenal) August 23, 2021
