Dalin detaje të reja lidhur me grabitjen që ndodhi pasditen e sotme në Shkozë. Sipas policisë, është grabitur automjeti që transportonte paratë e Ndërmarrjes së Drejtorisë Rajonale të Transportit Durrës në një bankë të nivelit të dytë.
Grabitja është bërë nga tre persona të armatosur e të maskuar, të cilët janë larguar me një automjet tip Benz. Po ashtu, mësohet se shuma e grabitur është 75 milionë lekë të vjetra.
Policia e Durrësit vijon kërkimet për kapjen e autorëve.
NJOFTIMI I POLICISË
Sot rreth orës 16 :50, në lagjen nr.14 Shkozet, dyshohet se 3 persona me një mjet, nën kërcënimin e armës dhe të maskuar i kanë dalë përpara një mjeti (shoqëri private sigurimi) që po trasportonte lekët e Ndërmarrjes së Drejtorisë Rajonale të Transportit Durrës në një bankë të nivelit të dytë dhe i kanë marrë një shumë parash.
Efektivet e Policisë po punojnë për kapjen e autorëve të dyshuar dhe zbardhjen e plotë të rrethanave të ngjarjes.
Nuk jepen të dhëna të tjera për arsye hetimi.
