Një supermarket është grabitur gjatë orëve të natës në Tiranë, ku një person ka vjedhur 40 mijë lekë dhe disa steka cigaresh. Vjedhja është shënuar në orët e para të mëngjesit (rreth orës 04:00), afër “Zogut të Zi”. Ky nuk është rasti i vetëm gjatë ditëve të fundit. Vala e grabitjeve në vend po kthehet në shqetësim. Mbi 100 raste grabitjesh kanë ndodhur gjatë muajve të fundit në bizneset e Maliqit.
Njësitë tregtare që ndodhen në qendër të qytetit, janë ato që sulmohen me shpesh nga hajdutët. Për fat të keq, kamerat e sigurisë nuk e kanë rritur sigurinë për bizneset, dhe as po e ndihmojnë policinë të zbulojë autorët, të cilët veprojnë pa lënë gjurmë në vendngjarje.
