Një bankë është grabitur në Svalbard, arkipelag norvegjez i cili ndodhet mes Skandinavisë dhe Polit të Veriut. Grabitësi është arrestuar menjëherë pasi ka kryer aktin dhe me të janë tallur keq në rrjetet sociale. “Ka pasur një grabitje me armë rreth orës 10.40,” tha Terje Carlsen, një zëdhënës i policisë së Longyearbyen, kryeqyteti i Svalbard.
“Një burrë me një armë grabiti një sasi parash, por u arrestua shumë shpejt në qendër të qytetit”, shtoi ai. Policia tha se i dyshuari ishte një i huaj që udhëtonte në këtë rajon, por refuzoi të jepte më shumë detaje rreth identitetit të tij, shumës së vjedhur apo armës së përdorur në grabitje.
Ai është transferuar në qytetin e Troms në Norvegji, ku do të merret në pyetje. Shanset që ai të arratisej ishin të pakta, apo nuk ekzistonin fare në arkipelag, pasi ai është i famshëm për akullnajat dhe arinjtë polare që tejkalojnë banorët. Longyearbyen ka rreth 2.000 banorë dhe praktikisht të gjithë e njohin njëri-tjetrin. Aeroporti është mënyra e vetme për tu larguar nga ajo zonë.
Komentuesit në mediat sociale kanë bërë shaka me grabitjen e dështuar të bankës.
‘Vjedhja më e pamatur bankare në historinë norvegjeze?’ tha një përdorues Twitter.
“Ai ndoshta harroi të mendonte rrugën për tu arratisur “, komentoi një tjetër.
Arkipelagu Svalbard, afërsisht dy herë më i madh se Belgjika, gjendet rreth 600 milje nga Polin e Veriut. Temperaturat në dimër bien rregullisht nën minus 20 gradë Celsius dhe zakonisht e kalojnë minus 40. TIRANA TODAY
