Kur Greqia, tradicionalisht një nga miqtë më të afërt të Rusisë në Evropë, dëboi dy diplomatë rusë muajin e kaluar për shkak të përpjekjeve të tyre për të thyer marrëveshjen me Maqedoninë, bëri që Moska të mbetej e zhgënjyer dhe në këtë mënyrë ndikimi i Vladimir Putin në një rajon kyç dhe strategjik po humbet.
Duke u zgjeruar Bashkimin Evropian dhe Aleancën e Atlantikut të Veriut në Ballkan, Rusia gjithnjë e më shumë e shikon veten jashtë rajonit. Moska do ta këtë shumë të vështirë të depërtojë në rajon.
“Anëtarësimi në NATO është një situatë e keqe për ne”, – tha Leonid Reshetnikov, ish-kreu i shërbimit të inteligjencës së jashtme ruse, i cili gjithashtu shërben si një agjent në Greqi dhe vende të tjera në Ballkan.
Siç tha ai, Rusia nuk ka çfarë të bëjë, pasi Perëndimi e ka sfiduar atë si një “fuqi rivale”.
Lidhjet e thella historike dhe kulturore midis Rusisë dhe Ballkanit e kanë bërë rajonin që të presë për vite të tëra për reagimin e Moskës, për të siguruar marrëdhënie të mira me disa vende të Evropës.
Megjithatë, tani vendet e Ballkanit po kthehen gjithnjë e më shumë në Perëndim, shkruan Bloomberg.
Edhe për shkak të ndarjeve brenda BE-së dhe çështjet e ngritura nga ana e Presidentit të Shteteve të Bashkuara Donald Trump në përkushtimin e Shteteve të Bashkuara ndaj aleatëve të saj në NATO, blloku po e josh shume rajonin, duke bërë premtime për të rritur standardet e tregtisë dhe të jetesës, forcimin e sundimit të ligjit dhe sigurisë. Rusia tani e ka humbur ndikimin e saj në rajon, dhe kjo është një goditje historike ndaj Putinit, dhe amerikan ë këtë mënyrë po rrit fuqinë e saj në botë.
“Rusia është mjaft pasive. Ajo ka nevojë për një plan të veprimi” – tha Alexander Dugin, një mendimtar nacionalist dhe ish-këshilltar i Kremlinit, i cili promovon një vizion të dominimit rus mbi Evropë dhe Euroazi./Tirana Today/
