Donald Trump i ka dhënë “goditjen” e parë Obamës, teksa arriti të përmbushë një prej premtimeve të tij elektorale: shfuqizimin e “Obamacare”.
Kalimi i Aktit Amerikan të Kujdesit Shëndetësor përbën një fitore për Trump, teksa u miratua me 217 vota pra, ndërsa 213 votuan kundër.
“Obamacare ka vdekur”, tha Trump pas votimit.
Ndërkohë, projektligji i Republikanëve i quajtur “Akti Amerikan i Kujdesit Shëndetësor”, do të shfuqizojë shumicën e taksave që lidhen me Obamacare dhe do t’i japë fund dënimit ndaj amerikanëve, që nuk kanë sigurim shëndetësor.
Përpjekja e parë për ta rrëzuar këtë ligj dështoi në muajin mars, edhe pse Partia Republikane, nga e cila vjen Trump, kontrollon të dyja dhomat legjislative.
Megjithatë, projektligji republikan duhet të marrë dhe miratimin e Senatit, diçka që nuk duket aq e thjeshtë për t’u arritur.
