Finalizohet një tjetër operacion nga Seksioni Kundër Trafiqeve të paligjshme
Goditet një tjetër veprimtari kriminale në tiranë, falë finalizimit me sukses të operacionit “Real”.
Specialistët e Seksionit Kundër Trafiqeve të Paligjshme kanë identifikuar 4 shtetas të kësaj veprimtarie, të cilët shfrytëzonin vajza të reja për prostitucion. Në pranga kanë përfunduar shtetasit e mëposhtëm:
- P. J., 62 vjeç, banues në Tiranë
- T. Th, 50 vjeçe, banuese në Tiranë
- B. D., 52 vjeç, banues në Prishtinë – Kosovë
- E. P., 27 vjeçe, banuese në Tiranë
Shtetasja T. TH., prej disa kohësh, me anë të mashtrimit joshte vajza të reja duke u ofruar atyre para dhe sende te tjera me vlerë dhe më pas i shfrytëzonte ato për prostitucion duke i dërguar në hotele të ndryshme në periferitë e Tiranës.
T.Th. e kryente këtë aktivitet të kundraligjshëm në bashkëpunim me shtetasin P. J.
Ky i fundit pasi vihej në dijeni nga shtetasja T.TH., bënte transportin e vajzave në drejtim të klientëve të tyre me makine.
Në cilësinë e provës materiale u sekuestruan:
– 9 aparate telefonik
– 2 automjete
Materialet proceduriale i kalojnë Prokurorisë së Rrethit Gjyqësor Tiranë për veprat penale,
“Prostitucioni” dhe “Shfrytëzimi i prostitucionit”, parashikuar nga nenet 113 dhe 114/2 të Kodit Penal.
