Një ditë më parë autoritetet e vendit fqinj kanë goditur një grup shqiptaro-italian, i cili ndihmonte shtetasit shqiptarë që të hynin ilegalisht në Britani. Në sajë të operacioni “Tower Bridge” janë vënë në pranga 8 persona.
“Skuadra Mobile e Shtabit të Policisë së Romës dhe Njësia Qendrore e Hetimeve e Policisë së Burgjeve, në bashkëpunim me Shërbimin Ndërkombëtar të Bashkëpunimit Policor dhe Policinë Metropolitane të Londrës po zbatojnë një masë kufizuese të lëshuar nga GIP e Gjykatës së Romës, me kërkesë të Drejtorisë lokale të Anti-Mafias, ku akuzohen tetë persona me kombësi italiane dhe shqiptare, nën akuzën se: ndihmonin emigrantë të paligjshëm, dhe falsifikonin dokumente”, shkruajnë mediat italiane.
Grupi kishte krijuar një “urë” të vërtetë midis Italisë dhe Anglisë për t’u lejuar shtetasve shqiptarë qe të hyjni ilegalisht në territorin britanik.
Në burg ka përfunduar shqiptari me inicialet K.S, 42-vjeç, si dhe gruaja e tij sllovake me inicialet T.S 37-vjeç. Ndërsa për 6 të tjerët është dhënë masa e sigurisë detyrim paraqitje, si dhe për të mos lëvizur nga komuna ku ata po banojnë.
M. L. e 56 vjeç,
G. S. e 28 vjeç,
B.L. e 41 vjeç,
M.O. e 21 vjeç,
P.S. e 31 vjeç,
F.F. e 33 vjeç,
Hetuesit kanë rindërtuar rolet e organizatës: K.S. nga Shqipëria ishte dhe kreu i bandës i cili i orientonte bashkatdhetarët që të qëndronin në shtëpitë e të afërmve të tyre në Itali e më pas ai do kujdesej për to për t’i dërguar në Angli, kundrejt shumës së parave 8,500 paund, një shumë e cila i ishte dorëzuar gjithmonë nga ana e personave që ai ndihmonte.
Por, në burg ka përfunduar edhe gruaja e shqiptari, me inicialet T.S me origjinë sllovake. Çifti ishte njohur në fund të viti 2017 në Angli.
Hetimi ndaj tyre kishin filluar prej kohësh. Policia e Romës në bashkëpunim me Njësinë Hetimore të Policisë së Burgjeve Qendrore më 27 tetor 2016, kishe identifikuar një grup shqiptarësh, ku shqiptari me inicialet H. M, u arrestua me 10 shkurt 2017, ndërsa shtetasi tjetër me inicialet P.I, edhe ky shqiptar u arrestua në korrik të vitit 2017.
Që nga ajko kohë hetimet nuk ishin ndaluar. Shqiptari, me inicialet K.S, i identifikuar si koka e grupit kishte një numër të madh bashkëpunëtorësh në Itali. Ata ishin burra dhe gra të moshave të ndryshme. Në shumicën e rasteve ata kishin dhënë kartat e tyre dhe pasaportat kundrejt shumës që varionte nga 500.00 deri 2000.00 euro, që të përdoreshin nga shqiptarët për t’u larguar lehtësisht drejt Anglisë. Shqiptari duke përdorur të dhënat e italianeve, pra dokumentet e falsifikuara bënte të mundur shmangien e dyshimeve të personelit të policisë italianen nëpër aeroporte.
K.S, siç është përcaktuar gjatë aktivitetit hetimor, e ka ndjekur personalisht gjithë operacionin, madje ai i shoqëronte shqiptarët në momenti që niseshin nga aeroporti.
Por ai kishte edhe bashkëpunëtorë në Angli të cilët ishin përgjegjës për tërheqjen e “klientëve” dhe “anëtarëve” nga aeroportet e Londrës dhe menaxhimin e qëndrimit të tyre. Ky menaxhim dhe koordinim i aktivitetit të paligjshëm në Angli u krye nga T.S., gruaja e K.S./Burimi: ilcorrieredellacitta.com/TIRANA TODAY/
