Godelli është fituesi i medaljes së Artë në shkëputje. Shqiptari i pezulluar nga ky sport 2 vite më parë rikthehet në mënyrën më të bukur, duke fituar medaljen e Artë në stilin e shkëputjes.
Godelli shkroi historinë në kampionatin evropian, që aktualisht po zhvillohet në Split të Kroacisë, duke ngritur në mënyrë të pabesueshme në provën e tretë, peshën 161 kg. Pas dy gabimeve në dy provat e para me 156 dhe 158.
Godelli u shfaq me i guximshëm se kurrë, duke rritur shtangën me 3kg të tjera dhe falë një prove force arriti ta kalonte me sukses provën e fundit për të fituar medaljen e artë në shkëputje.
Ndërkohë, shkodrani Erkand Qerimaj nuk mori dot më shumë se vendi i 6-të, pasi ngriti 155 kg në provën e parë.
