Deontay Wilder, kampion bote në peshat e rënda në kategorinë WBC, është dënuar nga gjykatësi Ricky McKinner për mbajtje të paligjshme të marijuanës. Boksieri amerikan u shpall fajtor dhe duhet të shlyejë dënimin prej 60 orë punë në komunitet, në një lokalitet të vogël pranë shtëpisë. Wilder u arrestua në shtëpinë e tij në Tuscaloosa, në qershor të këtij viti, kur policia gjeti marijuanë në makinën e tij.
Një kontroll rutinë që erdhi për lyerje të xhamave të makinës me ngjyrë të zezë. policia kontrolloi në makinë dhe gjeti një sasi të vogël të marijuanës. Avokatët e tij u shprehën se marijuana nuk i përkiste boksierit, pasi ai kishte qenë në udhëtim jashtë qytetit dhe persona të tjerë e kishin përdorur makinën e tij. Wilder është i pamposhtur në karrierën e tij, me 39 fitore (38 me KO).
