Grabitja e Rinasit ka marrë një tjetër rrjedhë, pasi raportohet se policia ka zbuluar gjurmë gishtash në furgonin që u përdor nga grabitësit. Prokurorët besojnë se ekzaminimi i gjurmëve mund të çojë në identifikimin e autorëve të tjerë.
Po kështu, përgjigjja e laboratorit të policisë shkencore pritet të vijë brenda kësaj jave.
Prokuroria ka filluar marrjen në pyetje të personave që konsiderohen të vlefshëm për hetimin, ku është pyetur dhe bashkëshortja e Admir Murataj. Ndonëse shpresat ishin të mëdha, për të mësuar ndonjë detaj, Albana Alidhima s’ka dhënë shumë detaje të vlefshme.
Ajo i ka sqaruar oficerëve se kishte kohë që nuk takohej me Admirin, dhe se nuk e dinte ku qëndronte e me kë shoqërohej pas arratisjes nga burgu grek i Trikalas në vitin 2013.
