Drejtori i Zyrës për Kosovën në Qeverinë e Serbisë, Marko Gjuriq, ka thënë se dialogu me Kosovën është në interes të Serbisë. Teksa foli në televizionin publik serb RTS, Gjuriq tha se do të dëshironte që Prishtina dhe Beogradi të arrijnë një marrëveshje, ndërsa shtoi se Serbia nuk u ka ikur bisedimeve.
“Edhe presidenti Vuçiq publikisht ka bërë thirrje për bisedime lidhur me marrëdhëniet mes shqiptarëve dhe serbëve. Dialogu i brendshëm për këtë çështje është i rëndësishëm për Serbinë”.
Më tej, ai kritikoi të gjithë ata që e kanë sulmuar Vuçiç-in për shkak të thirrjes për dialog, duke thënë se këtu qëndron dallimi mes burrave të shtetit dhe politikanëve:
“Politikanët mendojnë vetëm për zgjedhjet e ardhshme. Burrat e shtetit mendojnë se si gjeneratave të ardhshme të mos u lënë barrë nga e kaluara dhe si të zgjidhin probleme të ndryshme”.
