Pas miratimit të gjuhës shqipe në Parlamentin maqedonas me 69 vota pro dhe asnjë kundër nuk ka kaluar pa tallje dhe provokime të ndërsjella.
Tallje dhe provokime janë shënuar në fushën e medias, ku gazetari i TV21 Furkan Saliu ka njoftuar në rrjetin social “Facebook” se e ka vënë në lojë kolegun maqedonas të Televizionit TV Sitel, i cili njihet si person mjaft kontrovers kur është fjala për shqiptarët dhe gjuhën shqipe në shtetin e Maqedonisë.
Reagimi i gazetarit maqedonas ka qenë i menjëhershëm, i cili i është përgjigjur në gjuhën shqipe, por shkrimi i tij nuk ka një formulim të saktë dhe të kuptueshëm pasi duket që ka përdorur Google Translate për të shkruar në shqip.
Ky veprim ka ngjallë polemika mes kolegësh dhe natyrisht një sjellje e tillë provokuese nuk i bën aspak mirë përmirësimit dhe njohjes së realitetit shumë etnik në Maqedoni.
