Shqipëria dhe rruga e saj për çeljen e negociatave duket të jetë shumë e vështirë, pasi edhe Komisioni Evropian tregoi se në vitin 2025 me të avantazhuar janë Serbia dhe Mali i zi, ndërsa Shqipëria ende ka shumë detyra të papërgatitura.
Ish-ministrja e Integrimit tha se ka më shumë se gjashtë muaj që nuk raportohet në BE për Shqipërinë, pasi nuk ka kush të tregojë çfarë. Teksa ka folur në “Opinion”, ajo theksoi se janë faktorët mes krimit dhe politikes, zbatimi i ligjit dhe reforma e munguar në drejtësi që na mban larg BE.
Gjithashtu Gjosha shtoi se politika shqiptare ka një ves të keq, pasi rrëzon gjithçka që ka ndërtuar kundërshtari politik, duke shtuar se janë mijëra vende pune që janë të lira, por sipas saj, kjo qeveri nuk punëson të papunët. Ndërkohë ish-ministrja e Integrimit tha se integrimi i Shqipërisë nuk është një lojë tepsie, por kjo bazohet në reforma të mirëfillta dhe strategji të përcaktuar qartë.
Pjesë nga fjala e Klajda Gjosha
Çfarë kemi të vendosur aty? Lidhje e pushtetin me krimin. Instancat ligjzbatuese kanë humbur besimin e partneriteteve evropiane, kjo është më tepër një çështje sigurie. Serioziteti i shtetit do të mbetet problemi më i madh per BE. Ne ndërkohë që flasim për drejtësi, ne e bllokojmë atë.
Ne kemi një kulturë të gabuar, pasi me të ardhur ne pushtet ne rrëzojmë gjithçka. E dini ju se ka me mijëra vende pune të paplotësuara. Procesi i integrimit nuk është me një tepsi, por është një strategji e mirëfilltë, Ka 6 muaj që nuk raportohet për punën e saj, pasi nuk di kush të thotë çfarë. Faji nuk është opozita, por gishti duhet drejtuar tek këta që thash më sipër.
