Apeli për Krime të Rënda vendosi të kyçë në qeli Lavdërim Tufën. Ndaj tij rëndojnë dyshimet për akuzën e gjobëvënies në dëm të pronarit të një fasonerie.
Në vendimin e gjykatës zbardhen të gjitha rrethanat e ngjarjes. Ka shumë provat e faktet, që mbajnë prapa hekurave ish të dënuarin. Ai gjithashtu akuzohet për vrasjen e biznesmenit Fatmir Rama, i njohur si Miri i Xhikes.
Në dokumentin zyrtar thuhet se Tufa, i vuri gjobë 90 mijë euro, administorit të kompanisë private. Objekti i biznesmenit ndodhet në rrugën Siri Kodra. I dyshuari kishte kontakte me shtetasin italian Emanuele Pinuccio. Ku u fundit i njohur me nofkën Pino. Italiani ishte në marrëdhënie biznesi me pronarin e fasonerisë. Italiani i kishte sjellë shqiptarit 30 makineri.
Zhvillimi i ngjarjeve
Administratori i kompanisë ka sqaruar përpara hetuesve se një pjesë e makinerive nuk ishin përdorur fare. Ai nuk kishte patur punë, pasi personat që kishte sjellë Pino nga Italia nuk ishin të rregullt. Për këtë arsye bashkëpunimimi me ta ishte i pamundur. Në të tilla kushte, ai pretendon se biznesit të tij i ishte shkaktuar një dëm prej afro 100 mijë eurosh.
Pavarësisht kësaj, pronari i fasonerisë këmbëngul se përgjatë një viti e gjysmë i ka dorëzuar italianit shuma të ndryshme parash dhe për vlerën e palikujduar, kishin rënë në marrëveshje që të kthente mbrapsht makineritë.
Në këtë moment, nisin problemet për të, pasi Lavdërim Tufa e kërcënonte që ti paguante shumën prej 90 mijë eurosh, me pretendimin se ja kishte borxh italianit Pino.
Për të realuizuar qëllimin e tij, ish i dënuari kishte shkuar edhe në ambjentet e jashtme të biznesit, e madje personat që e shoqëronin kishin goditur një nga rojet.
Pas arrestimit të Tufës, në kërkim u shpall italiani Emanuele Pinuccio dhe një person tjetër.
I përfshirë në këtë histori, është edhe një polic i burgjeve, lidhje shoqërore e Tufës, i cili po hetohet në gjendje të lirë për moskallëzim krimi.
