Teksa sot GJKKO pret ta marrë në pyetje, ish-kryeministri Sali Berisha ka zgjedhur që të shkojë në selinë e tij blu.
Për gazetarët ai ka deklaruar se është i gatshëm të paraqitet në çdo kohë që drejtësia e thërret, por jo duke shkelur Kushtetutën.
Berisha përfundoi duke thënë për gazetarët se “piramida e trillimit” do të shembet dhe ai vetë nuk do të pengojë asnjë proces hetimor ose gjyqësor.
Berisha: Për vendimet antikushtetuese. Se bëj për vete këtë. Siç e dini ju, jam njeriu që kam dërguar në parlament ligjin i cili vendoste barazinë e plotë mes çdo zyrtari dhe zyrtarit në Kushtetutë. Këtë ligj e ktheu me forcën e kartonit Rama. Jam gati ta votoj nesër. Përderisa ky ligj është në kushtetutë, nuk pranoj asnjë kompromis për shkeljen e tij. Po konsultohem me juristë.
Në çdo kohë jam i gatshëm të paraqitem për t’u pyetur dhe për ccdo gjë. E vetmja gjë që nuk pranoj është të shkel kushtetutën e vendit. Të ndryshojmë kushtetutën. Jam autori i ligjit që kjo mbrojtje të mos ekzistojë. Hajde të ndryshojmë kushtetutën, por ta menderosim kushtetutën. Piramida e trillimit, mashtrimit e falsifikimit do të shembet dhe u garantoj se nuk pengoj asnjë proces hetimor, gjyqësor, etj.
