Një 63-vjeçar i dha fund jetës, pasi u hodh nga kati i dytë i spitalit “Omer Nishani”, në Gjirokastër. Edhe pse u dyshua se viktima mund të kishte rënë aksidentalisht, në fakt, kemi të bëjmë me një vetëvrasje.
Ndërkohë, janë zbardhur shkaqet që çuan të ndjerin të vetëflijohej. Gëzim Malkaj vunate nga hernia inguinale, apo siç quhet ndryshe nga dhjami në rrëzën e kofshës. Ai priste t’i nënshtrohej një ndërhyrje kirurgjikale, por operacioni i tij ishte shtyrë për shkak të mungesës së anestezistëve.
Sipas dy pacientëve që ndodheshin me Malkajn në dhomë, i ndjeri ka pasur shqetësime të mëdha dhe ankohej se kishte dhimbje të forta në zonën e poshtme rrëzë kofshës.
Jo vetëm kaq, por 63-vjeçari ankohej edhe për shërbimin e infermieres, e cila nuk po i përgjigjej apelit të tij për t’i bërë një qetësues.
Në një gjendje të tillë, zotëria kishte vendosur të hidhej, ndërsa pak para aktit, ai kishte thënë: “Epo, këta të bëjnë t’u q** nënën dhe pastaj t’ia bësh bam vetes”.
Më pas, i sëmuri u ka thënë edhe fjalët e fundit shokëve të dhomës: “Unë po shkoj se vetëm kështu do më pushojnë dhimbjet”.
Edhe pse shokët e dhomës janë munduar ta ndalojnë, i sëmuri ka kaluar kangjellat e ballkonit të dhomës së spitalit dhe është hedhur me kokë.
Vdekja ka ardhur si pasojë e hedhjes nga ballkoni me lartësi 13 metra, në kushtet e depresionit, ndërsa familjarët e të ndjerit thonë se do e ndjekin ligjërisht çështjen që solli vdekjen e familjarit të tyre.
