Kreu i Partisë Socialdemokrate Skënder Gjinushi i është bashkuar shqetësimit të partive të vogla duke thënë se marrëveshja midis Ramës dhe Bashës është antiligjore dhe po tenton të përjashtojë nga gara partitë e vogla politike.
Sipas tij, me këtë marrëveshje nuk bëhen dot koalicione dhe në këtë rast shkelet edhe Kodi Zgjedhor.
“Nuk është zgjidhur juridikisht. Është një marrëveshje politike që shkel kodin dhe një hile e madhe politike, pasi nuk mund të përjashtohen koalicionet. Kjo është një e drejtë universale dhe këtu flitet për një lojë politike që nuk shkon. Unë nuk e di se me çfarë baze Presidenti do të shtyjë zgjedhjet me 1 javë”, u shpreh Gjinushi në emisionin “Top Story”.
