Gjiganti serb dhe Cardoso përforcimet e fundit të Partizanit

Partizani nuk di të ndalet në ditët e fundi të merkatos, pasi ditën e sotme ka bërë edhe dy zyrtarizime të tjera. Bëhet fjalë për nënshkrimin e kontratës me Milan Culum, mesfushorin serb shtatlartë, i cili është aktivizuar së fundi në kampionatin e Bosnje Hercegovinës, me ekipin e Sloboda Tuzla. Ai ka firmosur me 15 herë kampionët e Shqipërisë për 1 vit e gjysmë. 33-vjeçari ka luajtur me shumë klube, ndërsa spikat për gjatësinë e tij, plot 2 metra.

Një tjetër zyrtarizim tek të kuqtë është dhe afrimi i Lucas Ferreira Cardoso. Sulmuesi brazilian ka firmosur kontratën me 15-të herë kampionët e vendit dhe do të jetë pjesë e të kuqve deri në vitin 2022. Sulmuesi 24 vjeçar tashmë do të jetë pjesë e Partizanit pas eksperiencës në kampionatin Maqedonas me ekipin e Pelisterit.