Presidenti i Kukësit, Safet Gjici është shprehur shumë i gëzuar me rezultatet që ka marrë skuadra e tij në ndeshjet miqësore të zhvilluara në Turqi. Ai ka deklaruar se është shumë pozitiv për faktin se skuadra tashmë ka gjetur linjë e koordinimit, ndërsa shtoi se me Pacult, ekipi i Kukësit do të mbrojë titullin kampion pasi në lojë janë edhe 60 pikë, ç’ka la të kuptohet se gjithçka është e hapur.
Teksa ka folur në “RTSH Sport”, Gjici ka folur edhe për zgjedhjet në Federatën Shqiptare të Futbollit, ndërsa theksoi se më të dy kandidatët ka njohje, por sipas tij, do të jetë platforma ajo që do na bind për të votuar.
Të marrësh dy fitore, në fakt tre së bashku me Fenerbahçen, sepse të gjithë e panë se ishte një lojë e shkëlqyer e Kukësit. Turp për Fenerbahçen që me ndihmën e arbitrave arriti të marrë dy penallti. Realisht, trajnerë si Pakult janë të rrallë që kanë ardhur në Shqipëri, për sa i përket të vërtetës.
Ka një CV shumë të pasur dhe unë besoja fort te eksperienca që ka, por dhe titulli që ka marrë. Mendova se ky do të ishte trajneri i duhur. Ka vendosur një rregull dhe disiplinë të paparë në skuadër. Merkatoja? Të gjithë e panë se në fushë ishte gjeorgjiani, por dhe kroati, të cilët treguan se janë lojtarë profesionistë dhe japin shumë. Trajneri i ka afruar që të dy këto lojtarë.
Oferta nga klubet turke?
Deri më tani nuk ka ofertë zyrtare. Drejtori sportiv është në bisedime me shumë menaxherë, me shumë shefash klubesh të skuadrave të mëdha në Turqi, por nuk kemi një ofertë zyrtare. Gjithnjë ofertat duhet të jenë jo oferta të lehta, diçka që ia kam thënë dhe drejtorit Nexhipi se për ofertat do të bisedohet vetëm me mua.
Mbrojtja e titullit kampion – “Nëse do të ecim kështu dhe në kampionatin shqiptar dhe t’i fitojmë të gjitha ndeshjet, natyrisht do të gabojë Skënderbeu. Në kampionati janë 60 pikë dhe nuk i dihet deri në fund. Them që jemi shumë të bindur se mund ta mbrojmë titullin kampion.”
Zgjedhjet për president në FSHF- “Çdo njeri ka të drejtë të kandidojë, jo vetëm zoti Fino, të cilin e njoh, kam muhabet, kam respekt ndaj tij, po asht udhe për presidentin në detyrë. Do të dëgjojmë dy alternativat e secilit dhe kush na bind do të votojmë”
