Shërbimet gjermane të zbulimit japin alarmin se terroristët kanë vënë në shënjestër sistemin hekurudhor të këtij vendi.
Sipas autoriteteve, këtë herë është Al-Kaeda planifikon të kryej akte sabotazhi në hekurudha për të shkaktuar sa më shumë viktima, për ti bërë konkurrencë Shtetit Islamik.
Shërbimet gjermane të zbulimit paralajmërojnë se terroristët kanë vënë në shënjestër sistemin hekurudhor në Gjermani.
Ekspertët e zyra federale gjermane e anti-krimit BKA thonë se terroristët kanë nisur të përdorin forma të reja për kryerjen e sulmeve terroriste, duke hequr dorë nga shpërthimet kamikazë. Një prej këtyre formave është edhe nxjerrja nga shina e trenave, për të cilat flitet gjerësisht në mediet online të xhihadistëve.
Këtë herë, sipas medieve gjermane, kërcënimi vjen nga Al-Kaeda e cila synon të kryejë sulme sa më të bujshme për të shkaktuar viktima të shumta, për ti bërë konkurrencë Shtetit Islamik.
Një prej modeleve që mund të ndiqet për sulmet terroriste në hekurudhat gjermane është ai i aksidentit hekurudhor të shkurtit të vitit 2016 në Bad Aibling.
Dy trena pasagjerësh u përplasën kokë më kokë, duke shkaktuar vdekjen e 12 personave dhe plagosjen e 85 të tjerëve.
Shkak i aksidentit ishte pakujdesia e një koordinatori lokal të hekurudhës, i cili nuk kishte lejuar lëvizjen e njërit prej trenave në të njëjtët binarë kur një tjetër tren vinte nga drejtimi i kundërt.
