Zyra Federale e Krimeve (BKA) në Gjermani ka paralajmëruar sulme të mundshme terroriste në shtetet e Perëndimit, duke përfshirë edhe vetë Gjermaninë.
Një zyrtar i BKA-së, duke folur për “Funke”, tha se organizatat terroriste çdo ditë e më shumë janë duke menduar të organizojnë sulme në hekurudha dhe të shkaktojnë daljen e trenave nga binarët.
“Edhe pse konkretisht nuk ka lidhje me Gjermaninë, sulmet e tilla mund të ndodhin edhe këtu”, ka thënë zyrtari i BKA-së.
Më pas, ai ka shtuar se në një faqe të internetit të afërt me ISIS, është debatuar për nxjerrjen e trenave nga binarët në Evropë.
Sipas tij, kjo faqe i ka cilësuar si “synime të dëshiruar” incidentet si aksidenti hekurudhor i vitit të kaluar në qytetin Bad Aibling, ku humbën jetën 12 persona.
