”Gjermania dhe Shqipëria nënshkruan marrëveshjen ndërqeveritare për financimin e projektit ‘Transporti i Gjelbër i Tiranës‘ në shumën e 50 milionë eurove.
Lajmi u bë i ditur nga ambasada gjermane në Tiranë, përmes një postimi në rrjetet sociale. Pjesë e projektit, do të jenë tre linjat kryesore urbane dhe me ngarkesën më të madhe të udhëtareve në Tiranë, ajo e Unazës, Tiranës së re dhe Kombinat-Kinostudio.
Me këtë projekt, synohet një sistem më i shpejt autobusësh dhe përmirësim të kushteve të transportit urban në kryeqytet.
”Gjermania dhe Shqipëria nënshkruan marrëveshjen ndërqeveritare për financimin e projektit ‘Transporti i Gjelbër i Tiranës‘ në shumën e 50 milionë eurove. Projekti, bazohet mbi një studim të thelluar fizibiliteti për një sistem të shpejtë autobusash në Tiranë, duke u përqëndruar në problematikat që hasen në tre korridorët kryesor të kryeqytetit, përkatësisht linja lindje-perëndim nga Kinostudio në Kombinat, Unaza (unaza e tretë e Tiranës) dhe Tirana e Re (pjesa qëndrore dhe perëndimore e qytetit) dhe ka si objektiv kryesor promovimin e një shërbimi transporti urban në Tiranë i cili të jetë si miqësor me mjedisin dhe klimën ashtu edhe i besueshëm dhe i përballueshëm për qytetarët e kryeqytetit.’’, shkruan Ambasada gjermane në rrjetin social, Facebook.
