Dy persona kanë vdekur dhe tre të tjerë janë plagosur rëndë pas disa të shtënave në një klub nate në Gjermani.
Një 34-vjeçar ndërroi jetë në spital, pasi shkëmbeu zjarr me policinë në sheshin e qytetit Konstanz, pranë kufirit me Zvicrën.
Policia mbërriti në vendngjarje pas të shtënave, rreth orës 02:30 të mëngjesit, ndërsa motivet e të shtënave janë ende të paqarta.
Edhe një oficer policie u plagos gjatë shkëmbimit të zjarrit me të dyshuarin, raporton The Independent.
Autoritetet lajmëruan se Forcat Speciale janë shpërndarë në qytet, pasi nuk dihet nëse autori veproi i vetëm apo në bashkëpunim.
