Gjendet kutia e zezë e avionit që ra në brigjet e Xhakartës, me 189 persona në bord. Kutia e avionit të Lion Air po kërkohej prej ditësh pas tragjedisë në Indonezi, pasi mund të zbardhë saktësisht atë që ndodhi ditën e aksidentit.
Avioni humbi kontaktin me kullën e kontrollit, sapo ishte ngritur nga Xhakarta. Avioni ‘Lion Air Boeing’ 737 ra në det sapo ishte ngritur nga pista e aeroportit të kryeqytetit indonezian, Xhakarta, ndërsa planifikohej të ulej në Pangkal Pinang.
Fatkeqësisht, nga aksidenti tragjik nuk ka mbijetuar asnjë nga pasagjerët dhe anëtarët e ekuipazhit.
