Gjendet i pajetë në banesë ish-prokurori i Krimeve të Rënda në Kosovë, Agron Matjani. Kjo është konfirmuar edhe nga zëdhënësi i Policisë së Prizrenit, Shaban Osmanollaj.
Mediat kosovare shkruajnë që vdekja e tij po cilësohet si e dyshimtë.
“Ne e kemi një rast të vdekjes së dyshimtë që jemi duke e trajtuar në Prizren. Rasti është raportuar nga familjarët e tij. Vdekjen e ka konstatuar mjeku kujdestar që ka dalë në vendin e ngjarjes, pastaj kanë dalë hetimet rajonale, forenzika dhe Prokurori. Me urdhër të Prokurorit, trupi i pajetë dërgohet në Institutin e Mjekësisë Ligjore për obduksion”, tha Osmanollaj për “gazetën express”.
Ai më herët ka ushtruar profesionin e tij si prokuror në Departamentin e Krimeve të Rënda, në Prokurorinë Themelore të Gjakovës, derisa u shkarkua nga kjo përgjegjësi. Shkak është bërë keqpërdorimi i detyrës zyrtare.
