Gjenden pas disa ditësh mbetjet e avionit me të cilin udhëtonte lojtari Emiliano Sala. Rrënojat e aeroplanit u gjetën nga një anije kërkimi në shtratin e Kanalit Anglez të dielën në mëngjes, ndërsa trupi i futbollistit argjentinas dhe pilotit nuk janë gjetur akoma.
Aeroplani ku udhëtonte sulmuesi argjentinas u zhduk nga radarët më 22 janar gjatë fluturimit nga Nates (Francës) drejt Cardiffit (Uells), ndërsa me lojtarin francez në bord ishte dhe piloti David Ibbotson.
Kërkimet u ndaluan nga autoritetet lokale pas pak ditësh, me pretendimin se lokalizimi i aeroplanit ishte shumë i vështirë. Por, me insistimin e familjes Sala kërkimet filluan në mënyrë private pasi paraprakisht u mblodhën mbi 300 mijë euro nga donacione të ndryshme, ku nuk munguan edhe ato nga yjet e mëdha të futbollit.
Eksperti i shpëtimit, David Mearns, ka konfirmuar për Sky Neës gjetjen e mbetjeve të aeroplanit, por nuk ka dhënë ndonjë informacion tjetër të detajuar për Sala dhe pilotin.
Gjetja e mbetjeve të aeroplanit u bë më anë të sistemit ‘sonar’, një teknik për zbulimin e objekteve nën ujë dhe për matjen e thellësisë së ujit duke emetuar impulse të zërit.
“Puna jonë është kryer. Tani ky është një hetim aktiv në duart e AAIB (degë e Departamentit për Transport, të cilët janë përgjegjës për transportin ajror në Angli, edhe për disa pjesë të Skocisë, Uellsit dhe Irlandës Veriore), ashtu siç jemi pajtuar tani kjo është përgjegjësi e tyre”.
“E gjitha ajo që mendoja ishin familjet. Kjo është ajo që ata donin ne të bënim, ia kemi arritur dhe kjo është më e mira që mund të shpresonim, rezultati më i mirë”.
“Një moment jashtëzakonisht tragjik dhe i trishtueshëm, por së paku disa nga pyetjet e tyre do të marrin përgjigje si pasojë e asaj që ne arritëm sot”, ka thënë Mearnes.
