Shoqëria Civile zhvilloi pasditen e sotme një marshim protestë për gjyqtaren e vrarë Fildes Hafizi nga ish-bashkëshorti i saj, por edhe për të gjitha gratë viktima të dhunës në familje.
Marshimi nisi sot rreth orës 18:00 nga Ministria e Drejtësisë drejt Parlamentit.
Në mënyrë simbolike gra, vajza por edhe djem të shumtë hodhën bojë të kuqe mbi godinën e Ministrisë së Drejtësisë.
Gjithashtu , gjatë kësaj proteste marshuesit kanë ndezur me qindta qirinj në nderim të grave të vrara.
Po ashtu, janë vrejtur edhe pankarta me mbishkrimin “Kërkohet Drejtësi” dhe tullumbace të zeza që simbolizojnë jetët e humbura të grave.
Përfaqësues të shoqërisë civile dhe pjesëmarrësit në protestë dënuan dhunën ndaj gruas, duke e cilësuar si dhunë ndaj familjes.
