Edhe pse 31-vjeç ai është duke dhuruar performanca ë jashtëzakonshme me skuadrën e Parmës, pavarësisht se luan në një kampionat të vështirë si Serie A. Gervinho ka shënuar golin e javës në përballjen me Cagliarin, pasi ka marrë topin nga mbrojtja dhe me shpejtësi ka arritur deri tek porta kundërshtare për ta dërguar topin në rrjetë.
“Unë luaj me shpejtësi, fantazi dhe instinkt. Fansat janë të lumtur për golin tim dhe kjo është dhurata më e bukur për mua”, ka thënë ish-lojtari i Arsenalit dhe Romës. “Mendimi im i parë pas golit? Ditët e kaluara këmbëzbathur në Bregun e Fildishtë në Abidjan. Këpucët na u dhuruan vetëm pas tri viteve dhe kjo nëse kalonim testimet e caktuara.
Testi i pari ka qenë 50 goditje të topit me kokë në drejtim të murit, duke mos e lënë topin të bie në tokë, pastaj me kofshë dhe në fund me këmbë, të majtë dhe të djathtë”.
Gervinho e shkëputi kontratën e tij me Hebei China Fortune dhe u rikthye në Serie A pas largimit nga Roma në janar të vitit 2016. 31-vjeçari ka një kontratë trevjeçare me Parman dhe deri më tani po shkëlqen në fanellën e klubit italian.
