Ish-ministri i Partisë Demokratike, Genc Ruli ka bërë një reagim të fortë pas deklaratës së Lulzim Bashës për humbjen e zgjedhjeve.
Ruli kërkon largimin e Bashës nga drejtimi i partisë dhe u bën thirrjeve mbështetësve të PD-së që ta përzënë nga selia bashkë me gruan dhe kunatin, Erjon Isufi.
Vendimin për ngrirjen e te gjitha funksioneve të tij deri ne zgjedhjet për kryetar, Ruli e cilëson si banale.
Me tej Ruli duke shprehur kritikat për hartimin e listës se kandidateve për deputete, thotë se Basha e mori drejtimin e PD-se si dhurate nga Berisha.
Ruli i ve dhe kusht Bashës duke thënë se nëse nuk jep dorëheqjen deri nesër, u kërkon simpatizantëve të PD-së që ta nxjerrin nga zyra me force.
Deklarata e Rulit:
Kam dashur te besoj se njeriu qofte, ky poltikan apo lider dhe ne momentin me te veshtire te jetes se tij, do perpiqej te pakten te ruante dinjitetin individual. Se dinjiteti jeton me gjate se cdo lavdi e mjere e castit.
Basha me deklaraten e tij justifikuese e banale tregoi qe dinjiteti personal eshte gjeja me e fundit qe e shqetson ate. Normalisht per nje individ qe e mori “lidershipin” e PD si dhurate ne “paje” nga Berisha dhe qe i beri programet e listat jo me zyrtaret e PD por me gruan e kunatin.
Ky lider qe beri nje marreveshje turpi me kundershtarin e tij politik. Thjesh duke kalkuluar interesin e vetvetes e jo te PD . Ky sot duhej vete te deklaronte largimin pa asnje kusht nga drejtimi i partise qe e coi ne gremine.
Ju them atyre qe ende e duan PD, e jo qe ende ju duhet P, nqs ai nuk jep doreheqjen vete deri neser, shkoni te selia e PD e perzejeni ate gruan e kunatin sic perzuri Jezusi tregtaret nga Tempulli.
